Programa subvencionado pola Xunta de Galicia, destinado a maiores de 55 anos, mozas/os menores de 30 anos ou familias con fillos menores de idade.
Transporte en autocar dende Santiago de Compostela, Ferrol, Coruña, Lugo ou Ourense (consulta outros programas dende outras cidades). Saídas en Xuño, Setembro e Outubro.
4 noites de aloxamento en réxime de pensión completa en hotel 4*.
Guía acompañante.
Acceso ao circuíto termal, segundo itinerario.
1 tratamento termal.
Xantar en restaurante.
Cata en adega das Rías Baixas.
Itinerario:
DÍA 1. CIDADE ORIXE - RÍAS BAIXAS
Saída á hora indicada dirección ás Rías Baixas. Breves paradas en ruta. Chegada ao hotel para o xantar. Pola tarde gozaremos dun circuíto termal. Cea e aloxamento.
DÍA 2. CAMBADOS - CIRCUÍTO TERMAL
Almorzo. Pola mañá coñeceremos a localidade de Cambados, Cidade Europea do Viño en 2017, onde percorreremos as súas rúas, consideradas un auténtico museo ao aire libre ao ser un dos conxuntos históricos mellor conservados de Galicia. Destacan a Praza de Fefiñáns, e as ruínas de Santa Mariña Dozo e o Muíño de Mareas da Seca. Finalizaremos a mañá coñecendo unha adega, con degustación. Xantar no hotel. Pola tarde gozaremos dun circuíto termal. Cea e aloxamento.
DÍA 3. TUI - SANTA TREGA - BAIONA
Almorzo. Pola mañá coñeceremos o conxunto monumental de Tui, unha das vilas máis antigas de Galicia, con estrutura medieval e rúas estreitas, declarada conxunto histórico e artístico e sede episcopal. Aquí visitaremos a catedral, unha auténtica xoia arquitectónica. Xantar en restaurante. Pola tarde coñeceremos o castro de Santa Trega, poboado amurallado que conta cun importante xacemento arqueolóxico, onde gozaremos das impresionantes vistas da desembocadura do río Miño facendo fronteira con Portugal. Finalizaremos o día en Baiona, onde se atopa a fortaleza de Monterreal e o seu bonito centro histórico. Cea e aloxamento.
DÍA 4. O GROVE - A TOXA - CIRCUÍTO TERMAL
Almorzo. Pola mañá faremos visita do Grove e da Toxa. O Grove é coñecido como “a capital do marisco” e A Toxa é famosa polos produtos cosméticos, elaborados cos sales das súas augas termais. Destaca a capela das Cunchas. No Grove realizaremos unha panorámica de toda a península con subida ao miradoiro da Siradella. Xantar no hotel. Pola tarde gozaremos dun circuíto termal. Cea e aloxamento.
DÍA 5. CIRCUÍTO TERMAL - CIDADE DE ORIXE
Almorzo. Pola mañá gozaremos dun circuíto termal. Xantar no Hotel. Saída cara á cidade de orixe, chegada e fin dos nosos servizos.
Cancelación. A cancelación ou modificación das reservas non terán gastos de xestión ata 11 días antes da saída da viaxe. A partir dese momento a penalización a aplicar será a seguinte:
10 días antes da saída: 5% do importe total da viaxe. 2 días antes da saída: 10% do importe total da viaxe. 1 día antes da saída: 25% do importe total da viaxe. A non presentación na saída (no show) xenera un 100% de gastos. (Os importes aplican ó PVP total da praza correspondente a tempada de disfrute).
.jpg?v=1616673313)
